मडगाव : गोवा किनारी क्षेत्र व्यवस्थापन प्राधिकरणाने केळशी येथील शेतातील बेकायदेशीर बांधकामांबाबत कारणे दाखवा नोटीस जारी केली असून संबंधित बांधकामे मूळ स्थितीत करण्याचे निर्देश देण्यात आले आहेत. पर्यावरण (environment) कार्यकर्ते ओस्वाल्ड फर्नांडिस यांनी दाखल केलेल्या तक्रारीनुसार, जिल्हास्तरीय समितीच्या अध्यक्षांनी जीसीजीएमने दिलेल्या सूचनांनुसार संबंधित क्षेत्रांची तपासणी केली होती.

याबाबत कारणे दाखवा नोटिस जारी करण्यात अली असून प्राधिकरणाने जिल्हास्तरीय अहवालात सीआरझेड अधिसूचना 2011 च्या उल्लंघनामुळे हे बांधकाम बेकायदेशीर आहे. या बांधकामामुळे भातशेतीचा मोठ्या प्रमाणात नाश झाला आहे असे म्हटल्याची दखल घेतली आहे.

जर एखाद्या इमारतीचे पुन:बांधकाम, (Construction) विकास किंवा दुरुस्ती करायची असल्यास गोवा किनारी क्षेत्र प्राधिकरणाची अधिकृत परवानगी लागेल. संबंधित इमारत नदीपासून 100 मीटर आणि समुद्राच्या 500 मीटरच्या आसपास असेल, तर सीसीजीएमच्या पूर्व मंजुरीची आवश्यकता आहे. सीआरझेड अधिसूचना 2011 च्या अंतर्गत असलेल्या इमारतीचे काम गोवा (goa) किनारी क्षेत्र व्यवस्थापन प्राधिकरणाच्या पूर्व मंजुरीशिवाय पूर्ण केल्यास कारवाईला सामोरे जावे लागेल, असे कारणे दाखवा नोटीसीत म्हटले आहे.