Sambhaji Bhide Speech In Goa: शिवप्रतिष्ठान हिंदुस्थानचे संस्थापक संभाजी भिडे आज (गुरुवार) गोव्यात आहेत. मडगाव येथे अखिल गोमन्तक हिंदू धर्मसभेकडून त्यांच्या भाषणाचे आयोजन करण्यात आले आहे. दवर्ली समर्थगडावर भिडे यांचे व्याख्यान सुरू आहे.

'ख्रिश्चन समाजातील व्यक्ती शिवरायांच्या मूर्तीची तोडफोड करतो आणि हिंदू उघड्या डोळ्यांनी पाहतात. एवढा हिंदू सहनशील आहे.' असे वक्तव्य संभाजी भिडे यांनी मडगाव येथे केले.

'हिंदू धर्माचे रक्षण आणि संवर्धन करण्यासाठी छत्रपती शिवाजी महाराजांनी त्यांच्या 35 वर्षांच्या कार्यकाळात लहान मोठी 289 लढाया लढल्या. जगातील 52 पैकी 39 मुस्लिम राष्ट्रांकडून हिंदुस्थानावर आक्रमण करण्यात आले. अत्याचार झाले आणि आता चीन देखील आक्रमणासाठी सज्ज झाला आहे.'

'ख्रिश्चन समाजातील व्यक्ती शिवरायांच्या मूर्तीची तोडफोड करतो आणि हिंदू उघड्या डोळ्यांनी पाहतात. एवढा हिंदू सहनशील आहे.' असे संभाजी भिडे मडगावमध्ये म्हणाले.

दरम्यान, संभाजी भिडे यांनी व्याख्यानाचे व्हिडिओ रेकॉर्डिंग करण्यास मनाई केली आहे.

गोव्यात आल्यानंतर संभाजी भिडे यांनी डिचोली येथे भेट दिली, त्यांनी छत्रपती शिवाजी महाराज मैदानाजवळील शिवरायांच्या पुतळ्याला पुष्पहार अर्पण केला.