गोवा: राज्यात विधनसभा निवडणुका पार पडल्या, दरम्यान 15 मार्च रोजी विशेष अधिवेशन पार पडणार असुन या अधिवेशन दरम्यान राज्यातील नविन आमदारांचा शपथविधी होणार आहे. राज्यात शिवसेना पक्ष मोठ्या ताकतीने उतरला होता. मात्र शिवसेना एकही जागा जिंकू शकला नाही. या मुद्द्यावर मौन सोडत संजय राऊत यांनी गोव्याच्या राजकारणावरच टिका केली आहे.(Shiv Sena leader Sanjay Raut has criticized Goa's politics.)

ते म्हणाले, गोव्याचे राजकारण (Goa Politics) हे साधं सोपं गणित नसून ते कोणाच्याही हाताला लागत नाही, आमचे मित्र देवेंद्र यांच्या उत्तम नेतृत्वामुळे गोव्यात भाजपची (Goa BJP) सत्ता पुन्हा नव्याने स्थापन झाली, त्याचे अनेक ठिकाणी कौतुक झाले. विधान भवनात त्यांचे जल्लोशात स्वागत केले. आम्हालाही अभिमान वाटला की महाराष्ट्राचा नेता गोवा जिंकून आला पण गोवा सहजासहजी कोणालाही जिंकता येत नाही; गोव्याचे राजकारण फार विचित्र आहे गोव्यामध्ये कधीही पक्ष जिंकत नाही गोव्यामध्ये नेहमी व्यक्ती जिंकतो आणि नंतर त्यातल्या काही व्यक्ती एकत्र येऊन आपले सरकार बनवतात असे ते म्हणाले. (Sanjay Raut news)

ते पुढे म्हणाले, गोव्यात (Goa) निवडणूकीनंतर नेहमीच वाद होतो आपण पाहिले असेल उत्पल पर्रीकर यांचा पराभव झाला आणि बाबूश मोन्सेरात जिंकुन आले त्यांनी सांगितले की माझ्या विजयामध्ये भारतीय जनता पार्टी चा काही सहभाग नाही असे त्यांनी स्पष्ट केले. तसेच विश्‍वजित राणे देखील भाजपच्या तिकिटावर आले असले तरी त्यांना कोणत्याही पक्षाची गरज नाही असेही ते म्हणाले असे अनेक लोक आहेत. गोवा लहान राज्य असल्यामुळे इथे पक्षा पेक्षा त्या त्या भागातल्या व्यक्तीचे महत्त्व जास्त असल्याचे असे ते म्हणाले.