रस्त्यावर सांडपाणी सोडल्याप्रकरणी कळंगुट पंचायतीने तीन हॉटेलांना दंड ठोठावला. प्रत्येक हॉटेलला एक लाख रुपयांचा दंड ठोठावल्याची माहिती सरपंच जोसेफ सिक्वेरा यांनी शुक्रवारी (२६ जुलै) पत्रकारांशी बोलताना दिली.
हॉटेलधारक नाले आणि रस्त्यावर सांडपाणी सोडत असल्याचे आढळून आले. पावसाच्या पाण्यासह सर्व सांडपाणी रस्त्यावर पसरत असल्याने अस्वच्छता झालीय, अशी माहिती सरपंच सिक्वेरा यांनी दिली.
सांडपाणी नाल्याद्वारे समुद्रात जात असून, याचा कळंगुटच्या पर्यटनावर नकारात्मक परिणाम होत असल्याचे सिक्वेरा म्हणाले.
हॉटेल्सनी दंड भरला नाही तर त्यांचे व्यापार परवाने रद्द केले जातील आणि पंचायत राज्य प्रदूषण नियंत्रण मंडळ आणि संबंधित अधिकाऱ्यांना पुढील कारवाईसाठी पत्र लिहेले जाईल, असेही सरपंच सिक्वेरा म्हणाले.
सुरुवातीला दंडाची रक्कम पंचवीस हजार रुपये होती. सांडपाणी रस्त्यांवर सोडले जाऊ नये याबाबत व्यावसायिकांमध्ये जागृकता निर्माण करण्यासाठी दंडाची रक्कम एक लाख रुपये करण्यात आलीय.
रस्त्यावर सांडपाणी सोडले जाऊ नये याबाबत अनेकवेळा सूचना करुनही हॉटेलधारक रस्त्यावर सांडपाणी सोडतात, असे सरपंच सक्वेरा म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.