आगामी काळात गोव्यात विधानसभा निवडणूक होणार आहे. याच पाश्वभूमीवर गोव्यात प्रचाराची रणधुमाळी पाहायला मिळत आहे. केंद्रीय निवडणूक आयोगाने विधानसभा निवडणूकीच्या तारखाही जाहीर केल्या आहेत. राज्यात सत्तेत असणाऱ्या भाजपला पराभूत करण्यासाठी विरोधक चांगलचे तयारीला लागले आहेत. राजकीय नेते प्रचारसभांच्या माध्यमातून एकमेकांवर आरोप-प्रत्यारोपांच्या फैरी झाडत आहेत. तर अनेक नेते राजकीय पक्ष बदलताना दिसत आहेत. याच पार्श्वभूमीवर कळंगुटचे (Calangute) माजी सरपंच जोसेफ सिक्वेरा आज सायंकाळी 4 वाजता भाजपमध्ये (BJP) प्रवेश करणार आहेत.

दरम्यान, सिक्वेरा यांनी तृणमूल काँग्रेसचा राजीनामा दिला असून भाजपा नेत्यांच्या उपस्थितीत भाजपमध्ये प्रवेश करणार आहेत. कळंगुट मधून सिक्वेरा हे भाजपाचे उमेदवार असणार आहेत. आज सायंकाळी भाजपाची दुसरी उमेदवारांची यादी जाहीर होणार आहे. यात कळंगुटमधून त्यांना उमेदवारी जाहीर होण्याची शक्यता वर्तवली जात आहे.