सासष्टी : गोवा स्विमिंग असोसिएशनने 5 ऑगस्ट रोजी संध्याकाळी 3.30 वाजल्यापासून फोंडा येथील जलतरण तलावात निवड चाचणीचे आयोजन केले आहे. या चाचणीद्वारे गोवा जलतरण संघातील जलतरणपटूंची दोन राष्ट्रीय स्पर्धांसाठी निवड केली जाईल.

(Selection test for swimmers on 5th August by Goa Swimming Association)

गुवाहाटी (आसाम) येथे 6 ते 10 सप्टेंबर दरम्यान 75 व्या सिनियर राष्ट्रीय जलतरण स्पर्धा होणार आहे. दुसरी स्पर्धा राजकोट, गुजरातमध्ये 29 सप्टेंबर ते 6 ऑक्टोबर दरम्यान 36 व्या राष्ट्रीय होणार आहे.

या दोन्ही स्पर्धांमध्ये गोमंतकीय जलतरणपटू भाग घेणार असून त्यांची निवड फोंडा येथील निवड चाचणीतून केली जाईल, असे गोवा स्विमिंग असोसिएशनचे सचिव सुदेश नागवेकर यांनी कळविले आहे.