मडगाव: गोव्यात अपघाती मृत्यूंचे प्रमाण वाढत असतानाच आज दुपारी त्यात आणखी एका दुर्घटनेची भर पडली. जिल्हा इस्पितळा समोर एका स्कुलबसची धडक बसल्याने लवकुश शर्मा (23) या युवकाचा प्राण गेला.

(Scooter rider killed on the spot in school bus collision in margao)

दुपारी अडीजच्या सुमारास ही दुर्घटना घडली. पोलिसांनी दिलेल्या माहितीनुसार मयत शर्मा आपल्या ऍक्टिवा स्कुटरने जात असताना मुख्य हमरस्त्यावर स्कुलबसने त्याला धडक दिली. या धडकेने तो खाली पडला आणि बसचे चाक त्याच्या डोक्यावरून गेल्याने तो घटनास्थळीच ठार झाला.

मयत शर्मा हा मूळ मुंबई येथील असून वेर्णा येथील एका फार्मा कंपनीत तो कामाला होता. तो कामावर जात असतांनाच हा अपघात झाला. फातोर्डा पोलिसांनी बस चालकाला ताब्यात घेतले असून या प्रकरणी पुढील तपास चालू आहे.