Savoi Verem:  सावईवेरे जय विठ्ठल हरी विठ्ठल, जयजयकार जयजयकार श्री सातेरी देवीचा जयजयकार अशा श्री सातेरी व विठ्ठलाच्या जयघोषात तसेच टाळ - मृदंगाच्या निनादात सावईवेरे येथील श्री शांतादुर्गा देवस्थानचा अखंड नामस्मरण सार्वजनिक भजनी सप्ताह उत्साहात संपन्न झाला.

या सप्ताहानिमित्त श्री अनंत देवस्थान ते श्री सातेरी देवस्थानपर्यंत काढण्यात आलेल्या दिंडी मिरवणूकीस उत्स्फूर्त प्रतिसाद लाभला. या मिरवणुकीत बालगोपाळांसह महिला तसेच ज्येष्ठ मंडळींचाही सहभाग होता.

श्री अनंत देवस्थान ते श्री सातेरी देवस्थानपर्यंत चित्ररथासह भव्य मिरवणूक काढण्यात आली. यानिमित्त वाड्या - वाड्यावरील भजनी बैठ्या पारांचे आयोजन करण्यात आले. संत तुकारामाच्या तैलचित्रासह दिंडी मिरवणूक काढण्यात आली. दुपारी देवस्थानात आरत्या, तीर्थप्रसाद व त्यानंतर महाप्रसादाचा कार्यक्रम झाला अन् सप्ताहाची सांगता झाली.