पणजी: भाटले-पणजी येथील सटी भवानी देवस्थानचा 43 वा वर्धापन दिन व पालखी सोहळा विविध कार्यक्रमानिशी होणार आहे. यानिमित्त देवीचा पालखी सोहळा प्रतिवर्षाप्रमाणे होणार आहे,मात्र भाविकांनी मंदिरात येऊन देवीची ओटी भरण्याचा कार्यक्रम रद्द करण्यात आला आहे. पालखी मिरवणुकीवेळी भाविकांना ओटी भरता येईल. पालखी मिरवणूक सायंकाळी चार वाजता निघणार आहे. भाविकांनी दरवर्षीप्रमाणे ठरलेल्या जागी उपस्थित रहावे,असे आवाहन मंदिर समितीने केले आहे.

गुरूवार दि. 10 रोजी सकाळी सात वाजल्यापासून विविध धार्मिक विधी, दुपारी 12.30 वाजता आरती,महाप्रसाद होईल. सायंकाळी 4 वाजता श्रीची पालखी मिरवणूक होईल. शुक्रवार दि.11 रोजी रात्री 8 वाजता फळांची पावणी होईल.रात्री दहा वाजता सुविसिनींच्या जोडव्याचा कार्यक्रम होईल.शनिवार दि.12 रोजी दुपारी ३वाजता भाटले स्पोर्टस क्लबतर्फे सत्यनारायण पूजा होईल. 7 वाजता भजन,तर 8 वाजता फळांची पावणी होईल.रात्री दहा वाजता अभिनय पणजी प्रस्तुत 2 अंकी नाटक आवयचो पूत,सुनेचेर भूत हे नाटक सादर होईल.