केंद्रीय पर्यावरण मंत्रालयाच्या अधिसूचनेनुसार गोव्यातील 99 गावे इको-सेन्सिटिव्ह झोन (Eco Sensitive Zone) म्हणून घोषित करण्याचे प्रस्तावित आहे. यामध्ये सांगेचा ही समावेश होणार असल्याने सांगे नागरीकांनी याला विरोध दर्शवत आंदोलनाचा इशारा दिला आहे. याचे समाजकल्याण मंत्री सुभाष फळदेसाई यांनी ही समर्थन केले आहे.

(Sanguem MLA subhash Phal Dessai backs stir against eco-sensitive zone)

याबाबत बोलताना मंत्री फळदेसाई म्हणाले की, या मसुद्याच्या अधिसूचनेमुळे ज्यांचे जीवन आणि उपजीविका धोक्यात आली आहे. त्या सांगेच्या गावकऱ्यांना पाठिंबा देत आहे. हा मसुदा अधिसूचनेबाबत सरकारने स्थानिकांच्या समस्या दूर न केल्यास आंदोलनाचे शस्त्र वापरु असा इशारा ही त्यांनी दिला.

केंद्रीय पर्यावरण मंत्रालयाचा मसुद्यानुसार म्हादई, नेत्रावळी, कोटीगाव, भगवान महावीर आणि बोंडला वन्यजीव अभयारण्य यांचा संवेदनशील क्षेत्रात समावेश करण्याचा प्रस्ताव आहे. यामध्ये प्रामुख्याने खाणकाम, लाल श्रेणीचे प्रदूषण करणारे उद्योग, इमारत, बांधकाम आणि क्षेत्र विकास प्रकल्प याला पर्यावरण-संवेदनशील क्षेत्रात प्रतिबंधित असेल. त्यामुळे या क्षेत्रात असे व्यवसाय करता येणार नाहीत.

फळदेसाई म्हणाले की, नेत्रावळी गावाला वन्यजीव अभयारण्य घोषित केल्यास सांगेला याचा मोठा धक्का बसणार आहे. तसेच नेत्रावळीच्या जंगलात शतकानुशतके स्थायिक असणाऱ्यांच्या उदरनिर्वाहाचा कसा करायचा? असा सवाल ही त्यांनी यावेळी केला. आपण या विषयाकडे राज्यपालांचे लक्ष वेधणार आहोत. “त्यांनी मसुदा अधिसूचनेला अंतिम रूप देण्यापूर्वी सामन्यांच्या समस्या सोडवणे अपेक्षित आहे. अन्यथा हा गावकऱ्यांवर अन्याय होईल,” असे ही ते यावेळी म्हणाले.