गोव्यात झालेल्या SCO शिखर परिषद अनेक अर्थाने महत्वाची होती. विशेष म्हणजे अनेक वर्षांनी पाकिस्तानचे परराष्ट्र मंत्री भारतात आले होते. परिषदेच्या वेळी डॉ. जयशंकर भुट्टो यांच्यावर नाराज असल्याच्या बातम्या आल्या समोर होत्या. यावेळी नक्की काय घडले होते यावर खुद्द परराष्ट्रमंत्री एस जयशंकर यांनी माहिती दिली आहे.

परराष्ट्रमंत्री एस जयशंकर 'आज तक'च्या 'सीधी बात' या विशेष कार्यक्रमात बोलत होते. गेली नऊ वर्षे आणि सध्याच्या चार वर्षात भारताच्या परराष्ट्र धोरणात मोठा फरक झाल्याचे जयशंकर यांनी सांगितले.

'देशाचे पंतप्रधान बदलले आहेत, देश बदलला आहे. तर, देशाचे परराष्ट्र धोरणही बदलणे स्वाभाविक आहे. परराष्ट्र धोरणांच्या बाबतीत आमची क्षमता वाढली आहे. आज आपण आपली भूमिका बिनधास्तपणे जगासमोर मांडू शकतो आणि आपल्या लोकांचे हित लक्षात घेऊन काम करू शकतो. गेल्या 9 वर्षात आणि सध्याच्या चार वर्षातही परराष्ट्र धोरणात मोठा फरक झाला आहे.' असे एस जयशंकर यांनी नॉन-अलोकेशन आणि मल्टी-अलोकेशन यातील फरक सांगतांना म्हटले आहे.

'राजकारण्यांचा जनतेशी थेट संबंध असतो. परराष्ट्र धोरणाला जनतेच्या हिताशी जोडण्यात सरकारला यश आलं आहे. कोविडच्या काळात याचा परिचय आला. सरकारला 'परराष्ट्र धोरण तुमच्यासाठी' हे धोरण यशस्वी करण्यात यश आले आहे. यामुळे तुमचे सरकार तुमच्या पाठीशी उभे आहे, असे सामान्य जनतेला वाटते.' असे एस जयशंकर म्हणाले.

गोवा SCO शिखर परिषदेत जयशंकर बिलावल भुट्टो यांच्यामुळे नाराज होते का?

'अजेंडा ठरलेल्या एखाद्या बैठकीला तुम्ही हजेरी लवता तेव्हा त्यासंबधित चर्चा होणे अपेक्षित असते. भुट्टो एससीओच्या बैठकीत दुसऱ्याच विषयावर बोलू लागले. बिलावल भुट्टो गोवा SCO समिटसाठी आल्यानंतर अजेंड्यावर बोलतील अशी अपेक्षा होती मात्र, ते काश्मीरवर बोलू लागले. दहशतवादाला समर्थन देऊ लागले. हे चुकीचे असून, भुट्टो व्यासपीठाचा गैरवापर करत होते. पण, रागावलो नव्हतो.' असे जयशंकर यांनी स्पष्ट केले.