मडगाव, पावसाचा फायदा घेऊन घरफोड्या करण्‍याचे सत्र राज्‍यात वाढलेले असताना काल रुमडामळ-दवर्ली येथील श्‍‍याम चोडणकर यांचे बंद असलेले घर फोडून घरातील सोन्‍याचे दागिने आणि मौल्‍यवान वस्‍तू चोरुन चोरट्यांनी पळ काढला.

चोडणकर हे सध्‍या बेंगळुरुला असल्‍याने या चोरीत नेमका कितीचा ऐवज चोरला गेला हे कळू शकलेले नाही.

श्‍‍याम चोडणकर हे रुमडामळ पंचायतीच्‍या माजी सरपंच अविता चोडणकर यांचे दीर असून त्‍यांची मुलगी बेंगळुरु येथे शिक्षण घेत आहे. तिला भेटण्‍यासाठी ते आपल्‍या पत्‍नीसह बंगळुरुला गेले होती, त्‍यामुळे हे बंद होते.

आज सकाळी या घरातील मांजरांना जेवण घालण्‍यासाठी चोडणकर या तिथे आल्‍या असता घराचा दरवाजा उघडा असल्‍याचे त्‍यांच्‍या लक्षात आल्‍यावर त्‍यांनी पोलिसांना बोलावून घेतले.