Panjim Mayor:

पणजी महापौरपदासाठी पुन्हा एकदा रोहित मोन्सेरात यांनी, तर उपमहापौरपदासाठी संजीव नाईक यांनी मंगळवारी अर्ज सादर केला. महानगरपालिकेचे प्रशासकीय अधिकारी व्हिक्टोरिया गोन्साल्वीस यांच्याकडे दोन्ही उमेदवारांनी आपले अर्ज सादर केले.

दोनच अर्ज असल्याने त्यांच्या निवडीच्या घोषणेची औपचारिकता उद्या, बुधवारी सकाळी 11 वाजता होणाऱ्या बैठकीत पूर्ण होईल.

आमदार पुत्र रोहित मोन्सेरात पहिल्यांदाच नगरसेवक होऊन महापौरपदावर बसले. आता त्यांची चौथ्यांदा निवड होईल, तर उपमहापौर म्हणून संजीव नाईक हे तिसऱ्यांदा पदावर बसतील. या दोघांच्याही कार्यकाळात लक्षात ठेवणारी बाब कंत्राटी कामगारांना कायमस्वरूपी सेवेत सामावून घेणे, इमारत धोकादायक असल्याने

दुसऱ्या ठिकाणी होणारे स्थलांतर, विरोधात बोलूनही उदय मडकईकर यांच्या प्रभागातील कामांना मिळालेले प्राधान्य, देश-विदेशातील महापौरांसाठीच्या परिषदांना उपस्थिती लावण्यास मिळालेली संधी,

कचरा व्यवस्थापनात पणजी शहराचा वाढलेला नावलौकिक, महानगरपालिकेच्या इमारतीचा दोनवेळा पायाभरणी शुभारंभ होऊन आता कामाला सुरवात झाली आहे.