पणजी : पावसाळा सुरू होऊन महिनाही झालेला नाही. तरीही राजधानी पणजीसह राज्‍यातील प्रमुख शहरांतील रस्‍त्‍यांची वाताहत झाली आहे. यावरून आम आदमी पक्ष आणि तृणमूल काँग्रेस पक्षाने सरकारवर कडाडून टीका केली आहे. कोणत्‍याही निवडणुका जवळ आल्‍या की, मतदारांना खूश करण्यासाठी रस्‍त्‍यांची प्रलंबित कामे तातडीने पूर्ण केली जातात. नुकत्‍याच झालेल्‍या विधानसभा निवडणुकांपूर्वी राज्‍यातील अनेक रस्‍त्‍यांचे हॉटमिक्‍स पद्धतीने डांबरीकरण झाले. यामुळे लोकांतून समाधान व्‍यक्‍त झाले. पण लोकांचा हा आनंद अल्‍पकाळच टिकला.

कारण पहिल्‍याच पावसात पणजीसह राज्‍यातील प्रमुख शहरातील रस्‍त्‍यांची वाताहत झाली आहे, अशी टीका आम आदमी पक्षाचे प्रदेशाध्यक्ष अमित पालेकर यांनी केली. पणजीतील रस्‍त्‍यांची झालेली दुर्दशा पाहून मंत्री बाबूश मोन्‍सेरात यांनी संताप व्‍यक्‍त केला आणि रस्‍ता कामाची चौकशी करण्याची मागणी मुख्यमंत्री आणि साबांखा मंत्र्यांकडे केली आहे. मंत्री मोन्‍सेरात यांच्‍या मागणीला आमचा पूर्ण पाठिंबा आहे, असे विधान तृणमूल काँग्रेसचे ट्रोजन डिमेलो यांनी केले. यापुढे जाऊन केवळ पणजीतीलच नव्‍हे तर राज्‍यातील सर्व रस्‍ता कामाची