गोवा: रिव्होल्युशनरी गोवन्स पक्षाचे प्रमुख मनोज परब यांनी महाराष्ट्राचे मुख्यमंत्री एकनाथ शिंदे यांची मुंबईतील वर्षा या निवासस्थानी भेट घेतली; यावेळी मुख्यमंत्री शिंदे यांनी दिलेल्या मौल्यवान वेळेबद्दल त्यांचे आभार मानले, प्रादेशिक पक्षांच्या प्रमुखांना भेटणे सुरूच ठेवणार असल्याचे त्यांनी यावेळी बोलताना सांगितले.

(Revolutionary Goans Party Chief Manoj Parab meets Maharashtra CM Eknath Shinde )

दरम्यान, गोवा येथील भूमिपुत्रांसाठी लढणाऱ्या रिव्होल्युशनरी गोवन्स पार्टीचे संस्थापक अध्यक्ष मनोज परब आणि सचिव मयूर आर्सेकर यांनी काल मनसेप्रमुख राजसाहेब ठाकरे यांची सदिच्छा भेट घेतली. मनोज परब यांच्या महाराष्ट्रातील राजकीय गाठी भेटी वाढल्या असुन या कडे सर्वांचे लक्ष आहे. मनवसेच्या प्रादेशिकवादी विचारधारेशी साम्य असलेल्या गोव्यातील स्थानिक पक्षाच्या बड्या नेत्याने मनसे प्रमुख राज ठाकरे यांची भेट घेतली.

मनोज परब यांनी केले ट्वीट

तुमचा मौल्यवान वेळ आम्हाला दिल्याबद्दल राज ठाकरेजी धन्यवाद! गोव्यातील स्थानिकांच्या हक्कांबद्दल आम्ही चर्चा केली आणि भूमिपुत्रांसाठी आमच्या पक्षाच्या कार्याबद्दल राज ठाकरे यांना माहिती दिली. प्रमुख प्रादेशिक पक्षांच्या नेत्यांसोबत आमच्या बैठका अशाच सुरुच राहणार आहेत. रेव्होल्युशनरी गोवन्स पार्टी गोव्यातील स्थानिकांच्या हक्कांचे संरक्षण करण्यासाठी काम करत राहील, असे ट्वीट मनोज परब यांनी भेटीनंतर केले.