Restricted Water Supply in South Goa : दक्षिण गोव्यात दुरुस्तीच्या कारणास्तव पुढील 3 दिवस पाणीपुरवठा प्रतिबंधित करण्यात आलेला आहे. याबाबतची माहिती सहाय्यक अभियंत्यांनी जारी केलेल्या सार्वजनिक नोटीसद्वारे दिली आहे.

माहितीनुसार, साळावली येथील 160 दशलक्ष लीटर क्षमतेच्या जलशुद्धीकरण प्रकल्पाच्या वाहिनीच्या दुरुस्तीचे काम असल्यामुळे पाणीपुरवठा प्रतिबंधित करण्यात आला आहे.

शेळपे-सांगे येथे ही दुरुस्ती करण्यात येणार आहे. 25, 26 आणि 27 ऑगस्ट रोजी दक्षिण गोव्यात कमी पाण्याचा पुरवठा असणार आहे. या दिवसात केवळ 140 दशलक्ष लीटर पाण्याचा पुरवठा केला जाणार असल्याची माहिती विभागातर्फे देण्यात आली आहे.

मात्र, अन्य 100 दशलक्ष लीटर क्षमतेच्या प्रकल्पातून पूर्ण क्षमतेने पाणीपुरवठा केला जाणार आहे.