काणकोण: काणकोणमधील (Canacona) रहिवाशांना वैद्यकीय कारणासाठी कारवारला जायचे होते. मात्र, कोरोनाचे दोन डोस (Vaccination) घेतल्याचा दाखला देऊनही त्यांना माजाळी तपासणी नाक्यावरून अडविण्यात आल्याने काणकोणमधील संतापलेल्या काही रहिवाशांनी पोळे तपासणी नाका कारवारवासीयांसाठी अडवून ठेवला.

आज काणकोणचे नगराध्यक्ष सायमन रिबेलो आणि नगरसेवक रमाकांत ‌‌‌‌‌‌‌‌नाईक गावकर हे कारवारला वैद्यकीय तपासणीसाठी जात होते. त्यांना माजाळी तपासणी नाक्यावर अडविण्यात आले. त्यानंतर पोळे तपासणी नाक्यावर कर्नाटकातून गोव्यात प्रवेश करू इच्छिणाऱ्या रहिवाशांना प्रवेश न देण्यासाठी काहींनी विरोध दर्शविला. कोरोनाचे दोन डोस घेऊनही कर्नाटकात प्रवेश करू इच्छिणाऱ्यांसाठी कर्नाटक सरकारने आरटीपीसीआर टेस्ट बंधनकारक केली आहे.

मात्र, पोळे तपासणी नाक्यावरून दोन डोस घेतल्याचा दाखला दिल्यास थेट प्रवेश दिला जातो. यावरून पोळे तपासणी नाक्यावर वादंग झाला. मात्र, संध्याकाळी उशिरा गोव्यातून कोणी वैद्यकीय कारणासाठी कर्नाटकात प्रवेश करत असल्यास त्यांना प्रवेश देण्याची सूचना वरिष्ठ अधिकाऱ्यांनी माजाळी तपासणी नाक्यावर दिली. त्यामुळे या विषयावर पडदा पडला.