Republic Day Parade Goa Tableau 2024

दिल्ली: प्रजासत्ताक दिनाच्या दिवशी दिल्लीच्या लाल किल्ल्यावर होणाऱ्या संचलनाची मोठी चर्चा केली जाते. गेल्यावर्षी या निमित्ताने कर्तव्यपथावर होणाऱ्या संचालनामध्ये गोव्याला संधी मिळाली नव्हती, पण आता मात्र २६ जानेवारीला होणाऱ्या संचलनात गोव्याला संधी मिळाली आहे. यंदाच्या वर्षी कर्तव्यपथावर होणाऱ्या संचालनामध्ये १५ राज्यांचा समावेश असून यामध्ये आपल्या गोव्याला देखील स्थान मिळालंय.

कर्तव्यपथावर होणाऱ्या संचालनामध्ये गोव्यासोबत सामील होणाऱ्या राज्य आणि केंद्र शासित प्रदेशांमध्ये गुजरात, उत्तर प्रदेश, बिहार, चंडीगड, दादरा आणि नगर हवेली, दमण आणि दीव, झारखंड, कर्नाटक, मध्य प्रदेश, पंजाब, उत्तराखंड, आंध्र प्रदेश, त्रिपुरा, पश्चिम बंगाल आणि हरियाणा या राज्यांचा समावेश झालाय.

तर दुसऱ्या बाजूला महाराष्ट्र, तेलंगणा, तामिळनाडू आणि तेलंगणा यांना यादीत स्थान मिळालेलं नाही.

प्रजासत्ताक दिनानिमित्त होणाऱ्या या संचलनात आपल्या राज्याला स्थान मिळावं अशी अनेकांची इच्छा असते आणि यावरून वाद देखील होतात. हे वाद लक्षात घेऊन किमान तीन वर्षांमधून एकदा संधी मिळावी म्हणून संरक्षण मंत्रालयाने नवीन नियम जारी केला आहे. शिवाय या निमित्ताने बसलेल्या निवड समितीला हा चित्ररथ पटणं ही अट देखील प्रमुख अटींमध्ये सामील करण्यात आली आहे.