पणजी: पेडणे तालुक्यातील हर्ळण, चांदेल हसापूर आणि कासारवर्णे या तीन पंचायतींसाठी आज मतदान झाले. पूर्वीपेक्षा हे विक्रमी मतदान असून मतदान शांततेत पार पडले असल्याची माहिती निवडणूक आयोगाचे सहायक संचालक सागर गुरव यांनी दिली आहे.

(Goa Panchayat Election)

तीन पंचायतींमधील 15 जागांसाठी 40 उमेदवार रिंगणात असून दोघेजण यापूर्वीच बिनविरोध निवडून आले आहेत.

सायं. 5 वाजेपर्यंत झालेले मतदान

• हर्ळण - 90.55 टक्के

• चांदेल हसापूर - 87.42 टक्के

• कासारवर्णे - 91.7 टक्के

गोव्यातील पेडणे तालुक्यात 3 महत्त्वाच्या पंचायतींसाठी आज मतदान पार पडले

पेडणे तालुक्यातील हळर्ण, चांदेल-हसापूर आणि कासारवर्णे या तीन पंचायतींच्या सर्वसाधारण निवडणुका आज पार पडल्या. तर मतमोजणी 11 रोजी होईल. या निवडणुकीत एकूण 4,388 मतदार होते. त्यामध्ये पुरुष 2,235 तर महिला 2,153 आहेत.

कासारवर्णेतील प्रभाग क्र. 3 मधून दिव्यांग दीपेश दिलीप नाईक हे निवडणुकीच्या रिंगणात उतरले आहेत. त्यामुळे या प्रभागाकडे सर्वांचे लक्ष लागून राहिले आहे. गेली 10 वर्षे लोकप्रतिनिधींनी मला सरकारी नोकरी मिळवून देऊ, असे आश्वासन दिले.