मडगाव : 2012 च्या निवडणूकीत राष्ट्रवादी काँग्रेसला सोडचिठ्ठी देऊन गोवा विकास पार्टीच्या उमेदवारीवर नुवेतून निवडणूक जिंकणारे माजी मंत्री यांनी बरोबर 10 वर्षानंतर पुन्हा प्रवेश केला.

आज राष्ट्रवादीचे प्रदेश अध्यक्ष जुझे फिलिप डिसोझा यांनी त्यांना पक्षात प्रवेश दिला. पर्वरी येथील स्थानिक काँग्रेस नेते शंकर फडते यांनीही आज राष्ट्रवादीत (NCP) प्रवेश केला.

राष्ट्रवादीने पाशेको यांना बाणावलीत उमेदवारी देण्याचे ठरवले असून यापूर्वी पाशेको राष्ट्रवादीच्या उमेदवारीवर दोन वेळा बाणावलीतून निवडून आले होते.

सहा महिन्यांपूर्वी पाशेको काँग्रेस पक्षात सामील झाले होते. मात्र काँग्रेस पक्ष हा सुधारण्याच्या पलीकडे गेला असून या पक्षात राहून काही साध्य करता येणे कठीण हे समझल्यामुळेच आपण काँग्रेस (Congress) सोडली असे पाशेको यांनी सांगितले.

दरम्यान, मंत्री फिलिप नेरी रोड्रिग्स हेही लवकरच राष्ट्रवादी पक्षात सामील होणार आहेत. आणखी काही नेते लवकरच राष्ट्रवादीत सामील होणार आहेत अशी माहिती जुझे फिलिप डिसोझा यांनी दिली. आम्ही गोव्यात (goa) 12 ठिकाणी उमेदवार उभे करू असेही त्यांनी सांगितले.