Cleanliness Campaign :

पणजी, राष्ट्रीय स्वयंसेवक संघाच्या कालापूर विभागातर्फे रुग्णाश्रय परिसरात स्वयंसेवकांनी स्वच्छता मोहीम राबविली.

रुग्णाश्रयाच्या परिसरातील झाडे-झुडपे व कचरा हटवण्यात आला. शांतादुर्गा साप्ताहिक मिलन आणि वाठारेश्वर मंदिर शाखेतील स्वयंसेवक यात सहभागी झाले होते. रुग्णाश्रयाच्या प्रमुख डॉ. शशिकला सहकारी यांनी या मोहिमेबद्दल संघ स्वयंसेवकांचे आभार मानले.

आंतरराष्ट्रीय योग दिनी शुक्रवारी सकाळी कालापूर येथील रवळनाथ ब्रह्म वाठारेश्वर मंदिरात विशेष शिबिराचे आयोजन रा. स्व. संघाच्या कालापूर विभागातर्फे करण्यात आले.

यावेळी पतंजली योग समितीचे पणजी प्रभारी रवी पाटील तसेच दत्तप्रसाद भोसले यांनी उपस्थितांना योगासने आणि ध्यानधारणा याविषयी माहिती दिली. यावेळी मोठ्या संख्येने स्थानिक रहिवासी व स्वयंसेवक उपस्थित होते. संघाचे पणजी विभाग प्रमुख प्रसाद सांबारी यांची विशेष उपस्थिती होती. उमेश नाईक यांनी आभार मानले.