Rakul Preet Singh At IFFI 2024

पणजी: एक कलाकार आणि एक उत्पादन यात काहीच फरक नसतो. उत्पादकाला जसे वेगवेगळ्या प्रतिक्रिया लोक देतात, तसेच कलाकारालाही टिप्पणी करतात. आपल्याला यशस्वी व्हायचे असेल तर अशा नकारात्मक गोष्‍टींकडे दुर्लक्ष केले पाहिजे. अशा गोष्‍टींना योग्य वेळी बाजूला सारले तर पुढील वाटचाल सुरळीत होते, असे अभिनेत्री रकुल प्रीत सिंह हिने सांगितले. यावेळी निर्माता जॅकी भगनानी उपस्‍थित होते.

रकुलने सांगितले की, आजकाल सहसा मित्र आणि ओळखीच्या लोकांना पाठिंबा देण्याचा अर्थ हा नेपोटिझमसाठी जोडला जातो. पार्ट्यांना हजेरी लावल्यामुळे चित्रपटांत भूमिका मिळत नाही, कलाकारांनी पार्ट्यांकडे पाहण्याचा दृष्टिकोन बदलला पाहिजे.

मी माझ्या प्रवासात मागे वळून पाहते तेव्हा माझ्या यशात एक गोडवा वाटतो. जेव्हा या क्षेत्रात मी पदार्पण केले तेव्हा मला कलेचा आत्मा माहीत नव्हता. त्‍यासाठी वेळ द्यावा लागला. मी त्या क्षेत्रातील नसल्याने स्वतःची ओळख करण्यात काही काळ गेला असला तरी प्रयत्नांचा गोडवा आजही सुखावतो.

जॅकी भगनानी यांनी चित्रपट घराण्यातून येण्याचे फायदे मान्य केले तरी कठोर परिश्रम आणि समर्पणाची गरज देखील अधोरेखित केली. मी सिनेघराण्यातून आलो असलो तरी ऑटो ते चार्टरपर्यंतच्या प्रवास पहिला आहे.

चित्रपट पार्श्वभूमी असली तरी यशाची हमी नाही. माझ्या वडिलांचा प्रवास शून्यापासून शंभरपर्यंत होता आणि माझा शंभरपासून हजारपर्यंत करण्याचा प्रयत्न आहे.