Vagator Tourist Death: वागातोर येथील एका क्लबमध्ये पार्टीत नाचताना कोसळलेल्या आशुतोष नामक एका राजस्थानी युवकाचा मृत्यू झाला. शनिवारी 20 रोजी सायंकाळी उशिरा ही घटना घडली. हा युवक आपल्या इतर दोन मित्रांसोबत गोव्यात आलेला. तो इव्हेंट शो व्यवस्थापनचे काम करायचा.

हणजूण पोलिसांकडून मिळालेल्या माहितीनुसार, येथील एका क्लबमध्ये सुरू असलेल्या पार्टीत आशुतोष जडवाद (२८) हा नाचताना खाली कोसळला. त्याच्या छातीत दुखू लागल्याने त्यांना आधी जिल्हा इस्पितळात व नंतर जीएमसी मध्ये दाखल केले.

तिथे उपचार सुरू असतानाच त्याचे शनिवारीच निधन झाले. हणजूण पोलिसांनी या प्रकरणी अनैसर्गिक मृत्यू म्हणून नोंद केली असून त्याच्या मृत्यूचे नक्की कारण समजलेले नाही. शेवटचे नंतर त्याचा व्हीसेरा राखून ठेवलेला असून त्याच्या अहवालानंतर मृत्यूचे नक्की कारण समजू शकेल.