राजस्थानच्या एकाचे माडेल, थिवी येथून अपहरण झाल्याची तक्रार रविवारी कोलवाळ पोलिस स्थानकात दाखल झाली. याप्रकरणी पोलिसांनी राजस्थान आणि दिल्लीच्या रहिवासी तिघांना सावंतवाडी येथून अटक केलीय.
संशयितांनी अहरण केलेल्या व्यक्तीला मारहाण करुन त्याच्याकडून पैसे आणि सोन्याचे दागिने हिसकावून घेतले.
हितेश बाबुलालजी जनगीड (माडेल, थिवी मूळ राजस्थान) यांचे रविवारी (दि.28) अहरण झाल्याची तक्रार कोलवाळ पोलिस स्थानकात दाखल झाली. पोलिसांनी तात्काळ तक्रारीची दखल घेत घटनेच्या तपासास सुरुवात केली.
पोलिसांना मिळालेल्या माहितीनुसार, तीन संशयितांनी कारमधून हितेश यांचे अपहरण केल्याची माहिती कोलवाळ पोलिसांना मिळाली. यात तीन धिप्पाड व्यक्तींचा समावेश असल्याचे पोलिसांना समजले.
पोलिसांनी याप्रकरणी बलवीर सिंग शिशपाल गुर्जर (३३, राजस्थान), राजकुमार गिरीधारी लाल चौधरी (३३, राजस्थान) आणि वीरेंद्र सुर्जित सुमार (५९. दिल्ली) यांना अटक केली असून, अपहरण करण्यासाठी वापरण्यात आलेली कार देखील जप्त करण्यात आली आहे.
अपहरणकर्त्यांनी हितेश यांना मारहाण करुन जीवे मारण्याची धमकी दिली. संशयितांनी त्यांच्याकडून मोबाईल फोन, सोन्याची अंगठी आणि पाच हजार रुपयांची रोकड असणारे पाकिट हिसकावून घेतले.
पोलिसांनी याप्रकरणी अपहरण, मारहणीचा गुन्हा नोंद करुन तिघांना अटक केलीय. कोलवाळ पोलिस अधिक तपास करीत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.