Salcete News : सासष्टी, ता. ८ (प्रतिनिधी) : कडवई ते रत्नागिरी व मडगाव ते कुमठादरम्यानच्या रेल्वे मार्गावर दुरुस्ती करण्याची असल्याने तीन तास मेगा ब्लॉक जाहीर करण्यात आला आहे.

कडवई ते रत्नागिरीदरम्यान मंगळवार, १० रोजी सकाळी ७.४० ते १०.४० वा. या वेळेत तर मडगाव ते कुमठादरम्यान गुरुवार, १२ रोजी सकाळी ११ ते दुपारी २ वा. या वेळेत मेगा ब्लॉक जाहीर करण्यात आला आहे.

कडवई ते रत्नागिरीदरम्यानच्या मेगा ब्लॉकमुळे खालील प्रवासी गाड्यांवर परिणाम होणार आहे.

१) ट्रेन क्रमांक १९५७७ तिरुनेलवेली जंक्शन ते जामनगर एक्सप्रेस जिची सुरवात ९ रोजी होणार आहे तिचे नियमन ठोकूर-रत्नागिरीदरम्यान तीन तासांसाठी केले जाईल.

२) ट्रेन क्रमांक १६३४६ थिरुवनंतपुरम ते लोकमान्य टिळक टर्मिनस नेत्रावती एक्सप्रेस, जिचा प्रवास ९ रोजी सुरू होणार आहे तिचे नियमन ठोकूर-रत्नागिरीदरम्यान दीड तासासाठी करण्यात येईल.

३) ट्रेन क्रमांक १२०५१ मुंबई सीएसटीएम ते मडगाव जनशताब्दी एक्सप्रेस जिचा प्रवास १० रोजी सुरू होणार आहे तिचे नियमन खेड ते चिपळूणदरम्यान २० मिनिटांसाठी केले जाईल.

मडगाव-कुमठा दरम्यानच्या मेगा ब्लॉक मुळे खालील प्रवासी रेल्वे गाड्यावर परिणाम होणार आहे.

१) ट्रेन क्रमांक ०६६०२ मंगळुरू ते मडगाव जिचा प्रवास १२ रोजी सुरू होत आहे ती कुमठापर्यंत धावेल व मडगावपर्यंतचा प्रवास रद्द करण्यात आला आहे.

२) ट्रेन क्रमांक ०६६०१ मडगाव ते मंगळुरू जिचा प्रवास १२ ऑक्टोबर रोजी सुरू होत आहे ती कुमठाहून सुरू होईल व मडगाव-कुमठा प्रवास रद्द करण्यात आला आहे.

या बदलाची प्रवाशांनी नोंद घ्यावी व सहकार्य करावे, असे रेल्वेतर्फे कळविण्यात आले आहे.