Rahul Gandhi's Special Gift to Sonia Gandhi: काँग्रेस नेते राहुल गांधी यांच्या कुटुंबात बुधवारी एका नव्या सदस्याचे आगमन झाले आहे. होय, राहुल गांधी यांनी जागतिक प्राणी दिनानिमित्त आई सोनिया गांधी यांना जॅक रसेल टेरियर जातीच्या श्वानाचे पिल्लू भेट दिले आहे.

राहुल गांधी यांनी गोव्यातून खरेदी केलेल्या एका पिल्लाचे नाव नूरी असे ठेवण्यात आले आहे. नूरी या नव्या सदस्याची ओळख राहुल यांनीच सोशल मीडियाच्या माध्यमातून सर्वांना करून दिली.

ऑगस्ट महिन्यात राहुल गांधी यांनी गोव्यातील आकय-म्हापसा येथील ‘अ‍ॅनिमल किंगडम’ या पेट शॉपमधून ‘जॅक रसेल टेरियर’ (Jack Russell Terrier puppies) प्रजातीच्या कुत्र्याची दोन पिल्ले विकत घेतली. राहुल गांधी यांच्या गोवा दौऱ्याचा व्हिडिओ नुकताच सोशल मिडियावर त्यांनी शेअर केला आहे.

राहुल गांधी यांनी पिल्लू त्यांची आई म्हणजेच सोनिया गांधी यांना भेट दिले आहे. पिल्लाचे नाव 'नूरी' असे ठेवण्यात आले आहे. राहुल आई सोनिया गांधी यांच्या अधिकृत निवासस्थान 10, दिल्लीतील जनपथ येथे जाऊन पिल्लांची भेट देतात. सोनिया यांना देखील ही भेट अतिशय आवडली असून, त्या आनंदीत झाल्याचे व्हिडिओमध्ये दिसत आहे.

गोव्यातील ‘अ‍ॅनिमल किंगडम’ या पेट शॉपचे सर्वेसर्वा स्टॅनली ब्रागांझा यांच्याकडून राहुल गांधी यांनी ‘जॅक रसेल टेरियर’ प्रजातीच्या दोन पिल्लांची खरेदी केली होती. देशात ‘जॅक रसेल टेरियर’ ही प्रजाती गोव्‍यातच सापडते. 

जॅक रसेल टेरियर ही इंग्लंडमधील श्वानांची एक जात आहे. कोल्ह्यांची शिकार करण्यासाठी तयार केले होते. जॅक रसेल टेरियर ही कुत्र्यांची एक खास जात आहे, ज्यांना नजर आणि वास याची उत्तम क्षमता चांगली असते. ही कुत्री अतिशय बुद्धिमान असतात, अशी माहिती आहे.