Rahul Gandhi Twitter Wish on Old Goa Feast

ओल्ड गोवा: सेंट फ्रान्सिस झेवियर यांच्या फेस्ताचा उत्सव म्हणजे फक्त गोव्यातील नाही तर सर्व भाविकांसाठी एक पर्वणीच असते. दरवर्षी ३ डिसेंबरच्या दिवशी हा उत्सव जुन्या गोव्यातील चर्चमध्ये साजरा केला जातो. यंदा फ्रान्सिस झेवियर यांचा दहावर्षांनी एकदा होणार शवप्रदर्शन सोहळा देखील सुरु असल्याने गोव्यात भाविकांची रंग लागली आहे. सेंट झेवियर यांच्या उत्सवानिमित्त लोकसभेतील विरोधी पक्षनेते राहुल गांधी यांनी देखील ट्विटरच्या माध्यमातून गोमंतकीयांना तसेच सर्व भक्तांना शुभेच्छा दिल्या.

ट्विटर किंवा X च्या पोस्ट मध्ये राहुल गांधी यांनी समस्त गोमंतक वासियांना सेंट फ्रान्सिस झेवियर यांच्या फेस्तानिमित्त शुभेच्छा दिल्या आणि सेंट झेवियर यांच्या आशीर्वादाने आपल्याला कायम शांतता आणि बंधुत्वाच्या मार्गावर चालत राहण्याची प्रेरणा मिळत राहो अशी अशा व्यक्त केली.

फेस्तानिमित्त दरवर्षी प्रमाणे यंदा देखील कार्डिनल फिलिप नेरी फेर्रांव आणि धर्मगुरू विशेष प्रार्थनासभा घेणार आहेत. लुईस अँटोनियो टॅगले, प्रीफेक्ट ऑफ द डिकास्ट्री फॉर इव्हँजेलायझेशन, मुख्य अतिथी असणार आहेत.

आजच्या या विशेष कार्यक्रमाला मुख्यमंत्री डॉ. प्रमोद सावंत, विरोधी पक्षनेते, मंत्री आणि आमदार यांची उपस्थिती असणार आहेत.