वाळपई: दोनमाड, केरी - सत्तरी येथे सोमवारी रात्री चोरट्यांनी बाजार परिसरातील तब्बल पाच दुकाने फोडल्याची खळबळजनक घटना घडली आहे. त्यात एकूण किती सामान चोरीस गेले याची माहीती अद्याप मिळालेली नाही.

मिळालेल्या माहितीनुसार, दोनमाड बाजारातील पाच दुकाने रात्रीच्यावेळी चोरट्यांनी फोडली. दुकानावरील छतावरील पत्रे, व नळे काढुन चोरट्यांनी आत प्रवेश केला. बाहेरून चोरट्याना दुकानांचा अंदाज आला नाही. चोरट्यांनी फोडलेली काही दुकाने एक सलुन, होलसेल दारूचे दुकान व अन्य दुकानांचा समावेश होता. याप्रकरणी वाळपई पोलिसांनी घटनास्थळी धाव घेऊन तपास कार्य सुरू केले आहे.

केरी आऊट पोस्टवर पोलिस रात्रीच्यावेळी गस्त घालत नसल्याने केरी भागात दिवसेंदिवस चोरीचे प्रकार वाढत असल्याचा आरोप स्थानिकांनी केला आहे. काही दिवसांपूर्वी दोन चोरीच्या घटना घडल्या होत्या. त्या चोरट्यांचा शोध अद्याप पोलिसांना लागलेला नाही. तसेच चार दिवसांपूर्वी दोन दुचाकी चोरी होण्याचा प्रकार घडला होता.

मात्र, घरातील कुटुंबांना जाग झाल्यानंतर चोरांनी तेथून पळ काढली होती. याची तक्रार पोलिसांना देण्यात आली, परंतु अद्याप कोणत्याही प्रकरणाचा छडा लावला गेला नाही. त्यामुळे पोलिसांनी संबंधित चोरट्यांना तत्काळ गजाआड करावे व चोरीच्या घटना रोखाव्यात अशी मागणी स्थानिक करीत आहेत.

सालेली - सत्तरी येथे सकाळच्यावेळी एका घरात चाकूद्वारे महिलेला जखमी करून घरात दरोडा घालत घरातील सुमारे अडीच लाखांचा ऐवज लंपास केला होता. या घटनेला महिना उलटला तरी पोलिसांनी चोरट्याला पडलेले नाही.