सासष्टी : ग्रामीण संस्कृती, परंपरा साहित्यातून प्रकट झाली पाहिजे. तसेच कोकणी साहित्य सामन्यांपर्यंत पोचविणे आवश्‍यक आहे, असे मत लेखक गोपिनाथ गांवस यांनी कोकणी भाषा मंडळाच्या अध्यक्ष अन्वेषा सिंगबाळ यांच्या ‘आसोर’ व ‘चांफो’ या दोन कोकणी कवितासंग्रहाच्या प्रकाशन सोहळ्यास व्यक्त केले.

कवी हा सामाजिक, निसर्ग किंवा भावना यांच्यातील सत्य शोधून ते समाजापुढे मांडणारा असावा व तो सत्याचा मार्ग आचरण करावाही असावा, असेही रॉड्रिग्स सांगितले.साहित्य हे स्वतःसाठी नसते, तर ते दुसऱ्यासाठी असते, ही भावना सदैव साहित्यिकामध्ये असावी, असे लेखक चेतन आचार्य यांनी सोहळ्याच्या अध्यक्षस्थानावरून बोलताना स्पष्ट केले.

कला ही अभिव्यक्ती व आपल्या भावना प्रकट करण्याचे साधन असते. साहित्य निर्मितीही सुद्धा एक कला असल्याचे ते म्हणाले. साहित्यात प्रमाण नसावे, पण दर्जेदार निश्र्चितच असावे, असेही आचार्य म्हणाले. संजना प्रकाशनचे दिनेश मणेरकर यांनी प्रास्ताविक केले.अन्वेषा सिंगबाळ यांनी आभार व्यक्त केले.