सासष्टी: लेखिका माया खरंगटे यांच्या "घडटां घडयतां" या कांदबरीचे प्रकाशन रविवारी मडगावच्या रवींद्र भवनमध्ये झाले. या प्रसंगी डॉ. जयंती नायक , डॉ. हनुमंत चोपडेकर, नयना अडारकर, रजत हेगडे व लेखिका माया खरंगटे व्यासपीठावर उपस्थित होत्या. कादंबरी ही कोकणी साहित्याची खरी ओळख असल्याचे डॉ. चोपडेकर यांनी सांगितले. या कादंबरीतून खरंगटे यांनी कोकणी साहित्याची नवी ओळख देण्याचा प्रयत्न केला आहे, असेही ते म्हणाले.

खरंगटे यांच्या लेखनात वास्तवाचा स्पर्श जाणवतो. ही आई-वडिलांच्या संघर्षाची कहाणी असल्याचे कादंबरीवर बोलताना नयना अडारकर यांनी सांगितले. खरंगटे सारख्या लेखिकेमुळे कोकणी कादंबरी समृद्ध होत चालली आहे,असे डॉ. जयंती नायक यांनी अध्यक्षस्थानावरून बोलताना सांगितले. लेखिकेने ही कादंबरी नीला तेलंग या मैत्रिणीला अर्पण केली आहे.रजत हेगडे यांनी सूत्रसंचालन करून आभार मानले.