हरमल: गोवा पर्यटन हंगामासाठी सज्ज झाला असून व्यावसायिकांची लगबग सुरू आहे. वाढती गरज लक्षात घेऊन शासनाने खासगी दुचाकीधारकांना ‘रेंट बाईक’चा परवाना द्यावा, अशी मागणी स्थानिकांकडून करण्यात येत आहे.

किनारी भागात खाजगी दुचाकी गाड्या स्वतःच्या वापरासाठी आहेत. ग्राहक आल्यास दुचाकी वाहन भाडेपट्टीवर देऊनचरितार्थ चालवतात. वाहतूक खाते व पोलिस त्यांना चलन देऊन पर्यटकांना त्रास करतात, असे व्यावसायिक अँथनो डायस म्हणाले.

वाहने भाडेपट्टीवर दिल्यास सरकारने मुदतीत शुल्क ठरवून वसूल करावे, त्यासाठी एकरकमी चलन प्रक्रिया ठरवावी, अशी सरकार व वाहतूक खात्याने उपाययोजना करण्याची मागणी नागरिक गुरुदास हरमलकर यांनी केली आहे.