पणजी: पंतप्रधान नरेंद्र मोदी, केंद्रीय गृहमंत्री अमित शहा आणि भारतीय जनता पक्षाचे इतर प्रमुख राष्ट्रीय नेते गोव्यात भाजपच्या प्रचारात सहभागी होणार आहेत. आगामी निवडणुकीच्या पार्श्वभूमीवर हा दौरा होणार आहे. भाजपचे (BJP) प्रदेशाध्यक्ष सदानंद तानावडे यांनी रविवारी या दौऱ्याबद्दल माहिती दिली. (Amit Shah and Narendra Modi Goa Assembly Election)

तानावडे म्हणाले, निवडणूक आयोगाने (Election Commission) जारी केलेल्या सर्व नियमांचे पालन करून मोदी, शहा आणि पक्षाचे इतर अनेक ज्येष्ठ नेते 28 जानेवारीपासून पक्षाच्या प्रचार करतील.

पत्रकार परिषदेला संबोधित करताना तानावडे म्हणाले की, केंद्रीय मंत्री नितीन गडकरी (Nitin Gadkari) आणि स्मृती इराणी यांच्यासह भाजपचे राष्ट्रीय अध्यक्ष जे. पी. नड्डा; भाजपचे गोवा निवडणूक प्रभारी देवेंद्र फडणवीस आणि सहप्रभारी जी. किशन रेड्डी आणि दर्शना जरदोश हे गोव्यातील पक्षाच्या निवडणूक प्रचारात सहभागी होणार आहेत.

या कालावधीत गोवा विधानसभा निवडणुकीसाठी भाजप आपला जाहीरनामा प्रसिद्ध करणार असल्याचे तानावडे यांनी सांगितले. “येत्या विधानसभा निवडणुकीत भाजपचाच विजय होईल यात शंका नाही. आम्हाला पूर्ण विश्वास आहे की जनता भाजपलाच (BJP) मत देईल," असे तानावडे म्हणाले.