पंतप्रधान नरेंद्र मोदी (Narendra Modi) उद्या संध्याकाळी म्हापसा येथे जाहीर सभा घेणार आहेत. पंतप्रधानांच्या आगमनाच्या व्यवस्थेचा एक भाग म्हणून म्हापसा (Mapusa) येथील बोगेश्वर मंदिराजवळील मोकळ्या मैदानात हेलिपॅड बांधण्यात आले आहे. दरम्यान आज भाजपचे नेते विधानसभा निवडणुकीच्या (Assembly Election) पार्श्वभूमीवर गोव्यात ठिकठिकाणी प्रचार करत आहेत.

दरम्यान, याच पाश्वभूमीवर गोव्यात प्रचाराची रणधुमाळी पाहायला मिळत आहे. राज्यात सत्तेत असणाऱ्या भाजपला पराभूत करण्यासाठी विरोधक चांगलचे तयारीला लागले आहेत. राजकीय नेते प्रचारसभांच्या माध्यमातून एकमेकांवर आरोप-प्रत्यारोपांच्या फैरी झाडत आहेत. तर अनेक आश्वासणे देखील गोवेकरांना दिली जात आहेत. उद्या मोदी काय बोलणार याकडे सर्वांचे लक्ष लागले आहे.