पंतप्रधान नरेंद्र मोदी 11 डिसेंबर रोजी गोव्यात येणार आहेत. गोव्यात सुमारे 2,870 कोटी रुपये खर्चून विकसित झालेल्या मोपा आंतरराष्ट्रीय विमानतळाचे उद्घाटन पंतप्रधान मोदी यांच्या हस्ते करण्यात येणार आहे. या विमानतळाची पायाभरणी पंतप्रधानांच्या हस्ते नोव्हेंबर 2016 मध्ये करण्यात आली होती.

(PM Narendra Modi)

तसेच गोव्यातील अखिल भारतीय आयुर्वेद संस्था (एआयआयए), गोवा, नॅशनल इन्स्टिट्यूट ऑफ युनानी मेडिसिन (एनआययुएम), गाझियाबाद आणि राष्ट्रीय होमिओपॅथी संस्था (एनआयएच), दिल्ली या तीन राष्ट्रीय संस्थांचे लोकार्पण होणार असल्याचे केंद्रीय आयुष मंत्री सर्बानंद सोनोवाल यांनी घोषित केले.

पंतप्रधान नरेंद्र मोदींच्या हस्ते आयुषच्या 'या' तीन प्रकल्पांचे होणार लोकार्पण

प्रसारमाध्यमांना संबोधित करताना सर्बानंद सोनोवाल यांनी 9 व्या जागतिक आयुर्वेद काँग्रेस (डब्ल्यूएसी) ची माहिती दिली, गोव्यामध्ये पणजी इथं होणाऱ्या या परिषदेच्या माध्यमातून, आयुष वैद्यकीय प्रणालीची वैज्ञानिकता, परिणामकारकता आणि सामर्थ्य जागतिक स्तरावर प्रदर्शित केले जाईल.

आयुष राज्यमंत्री डॉ. मुंजापारा महेंद्रभाई यांच्यासह आयुष मंत्रालयाचे सचिव वैद्य राजेश कोटेचा आणि आयुष मंत्रालयाचे इतर अधिकारी यावेळी उपस्थित होते. 11डिसेंबर रोजी गोव्यामध्ये होणार्‍या डब्ल्यूएसीच्या समापन समारंभाला पंतप्रधान नरेंद्र मोदी देखील उपस्थित राहणार आहेत.

या संस्थांची स्थापना, पंतप्रधानांच्या पारंपरिक वैद्यकीय प्रणालीमधील पायाभूत सुविधा आणि मनुष्यबळाचा विस्तार आणि संशोधनाला चालना देण्याच्या दृष्टिकोनाशी सुसंगत असल्याचे सर्बानंद सोनोवाल यावेळी म्हणाले. या संस्थांच्या माध्यमातून देशाचा प्रत्येक नागरिक आणि प्रत्येक प्रदेशात परवडण्याजोग्या आरोग्य सेवा उपलब्ध करण्याची भारत सरकारची क्षमता आणखी मजबूत होईल.