Panjim: साडेचारशे वर्षांच्या पोर्तुगीज राजवटीत आपली संस्कृती नष्ट करण्याचा असफल प्रयत्न झाला. मात्र, गावातील पारंपरिक कलाकारांनी, मंदिरांनी आपली संस्कृती जपून ठेवली, असे प्रतिपादन मुख्यमंत्री डॉ. प्रमोद सावंत यांनी केले.

गुरुवारी आयएमबी सभागृहत इंटरनॅशनल परफॉर्मिंग आर्ट फेस्टिवलचे(आयफॅप) चे उद्‍घाटन कार्यक्रमात ते बोलत होते. व्यासपीठावर महोत्सवाचे मुख्य कार्यकारी अधिकारी श्याम पांडे, ज्येष्ठ पत्रकार गजानन लिंगदेव, आयएमबीचे अध्यक्ष दशरथ परब, रोटरी क्लब पणजी रिव्हिएराचे अध्यक्ष रघु शेट्टी उपस्थित होते.

मुख्यमंत्र्यांच्या हस्ते या महोत्सवात कला सादर करणाऱ्या ख्यातनाम नृत्यांगना डॉ. खुशबू पांचाळ, विशेष मुलांच्या प्रतिनिधी प्रगती कोरगावकर, प्रेरणा पालेकर, बाळकृष्ण मराठे यांचा सत्कार करण्यात आला. गोविंद भगत यांनी सूत्रसंचालन केले.