Porvorim Theft Case: पर्वरीमध्ये दिवसाढवळ्या घरफोडी झाल्याची धक्कादायक घटना समोर आली आहे. अज्ञात चोरट्यांनी पर्वरीतील डिफेन्स कॉलनीमधील बंगला फोडून त्यातील ऐवज लंपास केल्याची माहिती समोर आली आहे.

चोरट्यांनी डिफेन्स कॉलनीमधील बंगला फोडून त्यातील 1 लाख रोख रक्कम आणि दागिने चोरले आहेत.

या चोरीच्या घटनेत एकूण 6 लाखांचा ऐवज चोरीला गेला आहे. याबाबत पोलीस अधिक तपास करत आहेत. राज्यभरात वाढलेल्या चोरीच्या घटना चिंतेचे कारण बनत चालले आहे.

काही दिवसांपूर्वी मंदिरांमधील फंडपेटी फोडून त्यातील पैसे चोरण्याचे प्रकारही समोर आले. यावरून राज्यात चोरांची टोळी सक्रिय झाली असल्याचे चित्र दिसत आहे. या चोरांना पोलिसांनी लवकरात लवकर जेरबंद करावे अशी मागणी नागरिक करत आहेत.