फोंडा: शिरोडा येथून एक अत्यंत धक्कादायक आणि मन हेलावणारी घटना समोर आली आहे. येथे एका पतीनं आपल्या पत्नीचा निर्घृण खून केल्याची घटना समोर आलीय. या घटनेमुळं परिसरात खळबळ उडाली आहे.तर खून केल्यानंतर पती स्वतःहून पोलीस ठाण्यात हजर झाला आहे.

समोर आलेल्या माहितीनुसार, मृत महिला ही शिरोड्यातील एका खासगी शाळेत पीए शिक्षिका म्हणून कार्यरत होती, तर तिचा पती फोंडा मामलेदार कार्यालयात नोकरीला आहे.

घटनेची माहिती मिळताच फोंडा पोलीस तात्काळ घटनास्थळी दाखल झाले. पोलिसांनी मृत महिलेचा मृतदेह ताब्यात घेत शवविच्छेदनासाठी रुग्णालयात पाठवला आहे. पोलिसांकडून घटनास्थळाची तपासणी सुरू आहे.

हे जोडपे दोन वर्षांपूर्वी शिरोडा येथे वास्तव्यास आले होते. त्यांना एक आठ वर्षांचा मुलगा असून तो बालवाडीत शिकत असल्याची माहिती आहे.

पोलिसांनी आरोपी पतीला ताब्यात घेतले असून त्याची कसून चौकशी सुरू आहे. खून नेमका कोणत्या कारणामुळे झाला, हे अद्याप स्पष्ट झालेले नाही. या प्रकरणाचा पुढील तपास फोंडा पोलीसांकडून सुरू आहे.