Ponda Police : पाजीमळ शिरोडा येथील घर फोडीप्रकरणी 3 चोरट्यांना पकडण्यात यश आले आहे. संशयितांमध्ये यात दोघा युवकांचा तर एका युवतीचा समावेश आहे. 9 जून रोजी चोरट्यांनी पाजीमळ शिरोडा येथील एका घरात चोरट्यांनी 9 लाख रुपयांच्या दागिन्यांवर डल्ला मारला होता.

पोलिसांनी दिलेल्या माहितीनुसार, चोरट्यांनी पाजीमळ शिरोडा येथील एका घरात 9 जून रोजी रात्री 10.30 च्या दरम्यान चोरट्यांनी दरवाजा फोडून आत प्रवेश केला. चोरट्यांनी घरातील 9 लाख रुपयांच्या दागिन्यांवर डल्ला मारला. तसेच वीस हजाराची रोख घेऊन त्यांनी पोबारा केला होता.

चोरीची तक्रार घरमालकाने फोंडा पोलिसात दिली. तक्रारीच्या आधारे फोंडा पोलिसांनी तपसाला सुरुवात केली. चोरीच्या दिवशी त्या भागात एक अज्ञात जोडपे पांढऱ्या दुचाकी वरून परिसरात फिरत असल्याची माहिती काही लोकांनी दिली.

या माहितीच्या आधारे पोलिसांनी वाहनाचा शोध घेत वाहनाच्या आधारे चोरट्यापर्यंत पोहोचले.पोलीसांनी हिसका दाखवताच दोन्ही चोरट्यानी आपला गुन्हा लगेचच कबूल केला. गॅबी फर्नांडिस (25, रा. आंबेउदक, सावर्डे) शबनम चलवादी (24, नावेली) व महमद कासिम शेख (22, चांदर) अशी अटक केलेल्या संशयितांची नावे आहेत.

पोलीस उपनिरीक्षक रश्मी भाईडकर, आदित्य नाईक गावकर, यांच्याबरोबर पोलीस केदार जल्मी, अमेय गोसावी, आदित्य नाईक यांनी या संदर्भात चांगली कामगिरी बजावली. फोंडा स्थानकाचे उपअधीक्षक आशिष शिरोडकर यांच्या मार्गदर्शनाखाली पोलीस निरीक्षक तुषार लोटलीकर यांनी सदर सदरच्या चोरीप्रकरणी तपास यंत्रणेला योग्य ते मार्गदर्शन केल्याने सदर गुन्ह्याचा छडा लागू शकला.