Ponda Crime News: एका अल्पवयीन मुलावर एका 22 वर्षीय युवकाने अत्याचार केल्याची घटना फोंडा येथे उघडकीस आली. याप्रकरणी फोंडा पोलिसांनी 22 वर्षीय बिहार येथील युवकाला अल्पवयीन मुलावर बलात्कार केल्याप्रकरणी अटक केली.

याबाबत पोलिसांनी दिलेल्या माहितीनुसार, 22 वर्षीय युवक दिलीप शाह हा सध्या फोंड्यात राहत असून तो मूळचा बिहार येथील आहे. दिलीप याने एका 11 वर्षीय अल्पवयीन मुलावर अनैसर्गिक बलात्कार केल्याची घटना घडली. संशयिताने मुलासोबत मैत्री करुन जवळीक साधली.

अल्पवयीन मुलाला त्रास होऊ लागल्यानंतर रुग्णालयात दाखल करण्यात आले. तेव्हा हा प्रकार उघड झाला. यानंतर फोंडा पोलिसांनी संशयिताला अटक केली. त्याच्यावर बालहक्क कायदा तसेच पोक्सोअंतर्गत गुन्हे दाखल केले असून पोलिस अधिक तपास करीत आहेत.