Goa Crime News

फोंडा: लग्नाचे आमिष दाखवून लैंगिक अत्याचार केल्याची घटना फोंडा, गोवा येथे उघडकीस आली आहे. याप्रकरणी फोंडा पोलिसांनी २२ वर्षीय तरुणाला गुरुवारी रात्री अटक केली. लग्नाचे आमिष देऊन तरुण पीडित मुलीच्या संपर्कात आला, त्यानंतर संशयिताने लग्नास नकार दिला.

दिव्येश संतोष चोडणकर (वय . २२, रा. फोंडा) असे अटक करण्यात आलेल्या तरुणाचे नाव आहे. तरुणाने मुलीला लग्नाचे आमिष दिले. दोघांमधील लग्नाची कायदेशीर प्रक्रिया सुरु झाली. दोघांच्या दोन सह्या देखील झाल्या. पहिल्या सहिनंतर तरुण आणि पीडित मुलगी यांच्यात शारीरिक संबध झाले. पण, दुसऱ्या सहिनंतर मुलाने लग्नास नकार दिला.

तरुणाने घटस्फोट घ्यायचा आहे असे सांगितल्याने पीडित मुलीने पोलिसांत धाव घेत तक्रार दाखल केली. फोंडा पोलिसांनी बलात्काराचा गुन्हा नोंद करुन गुरुवारी रात्री तरुणाला अटक केली. याप्रकरणी फोंडा पोलिस अधिक तपास करत आहेत.

दरम्यान, गोव्यात गेल्या काही दिवसांपासून फसवणुकीचे विविध प्रकार उघडकीस येत आहेत. कॅश फॉर जॉब घोटाळा गेल्या एक महिन्यापासून गाजत असताना, गेल्या दोन दिवसांत जमीन घोटाळा उघडकीस आला आहे. त्यानंतर आता लग्नाच्या आमिषाने फसवणूक करुन लैंगिक अत्याचार केल्याची घटना घडलीय. पण, पोलिसांनी तात्काळ तरुणाला अटक केली आहे.