पणजी: गोवा पोलिस आणि वाहतूक पोलिसांनी मागील वर्षी वाहतूक नियमांचे उल्लंघन करणाऱ्या चालकांकडून तब्बल 8 कोटी रुपये दंड वसूल केला आहे. हेल्मेट परिधान न केलेल्या दुचाकी चालकांकडून मोठ्या प्रमाणात दंड वसूल करण्यात आला. यापाठोपाठ सीट बेल्ट न घातलेल्या चालकांवर कारवाई करण्यात आली.

गोवा पोलिस आणि वाहतूक पोलीस (Traffic Police) विभागाने वाहतूक नियम उल्लंघन करणाऱ्यांवर कारवाईचा बडगा उगारला उगारला आहे. राज्यात होणारे अपघात आणि नियमांचे उल्लंघन कमी करण्यासाठी ही पावले उचलण्यात आल्याचे पोलिसांचे म्हणणे आहे. मागील वर्षी नियमांचे उल्लंघन करणाऱ्या 7 लाख 41 हजार 319 जणांवर पोलिसांनी कारवाई केली, अशी माहिती समोर आली आहे. हेल्मेट न घातलेल्या चलकांकडून (Driver) 2 कोटी 52 लाख दंड वसूल करण्यात आला. दारू पिऊन गाडी चलवणाऱ्या 266 लोकांना दंड भरावा लागला आहे. पोलिसांनी (Police) लोकांना वाहतूक नियमांचे पालन करण्याचे आवाहन केले आहे.