पणजी: ‘पीएम सूर्यघर मुफ्त बिजली योजने’अंतर्गत घरांच्या छतावर सोलर पॅनेल बसवण्यासाठी राज्यातून आतापर्यंत ४,५२९ अर्ज नवीन आणि अक्षय ऊर्जा मंत्रालयाकडे गेलेले होते. त्यापैकी ३,३२३ घरांवर सोलर पॅनेल बसवण्यात आल्याचे केंद्रीय नवीन आणि अक्षय ऊर्जा राज्यमंत्री श्रीपाद नाईक यांनी खासदार सदानंद शेट तानावडे यांनी राज्यसभेत विचारलेल्या लेखी प्रश्नाच्या उत्तरातून स्पष्ट केले आहे.
केंद्र सरकारच्या ‘पीएम सूर्य घर मुफ्त बिजली योजने’अंतर्गत दरमहा ३०० युनिटपर्यंत वीज मोफत मिळते. घरांच्या छतावर सोलर पॅनेल बसवण्यासाठी एक किलोवॅट सिस्टमसाठी ३० हजार, दोन किलोवॅट सिस्टमसाठी ६० हजार तसेच तीन किलोवॅट किंवा त्यापेक्षा अधिक सिस्टमसाठी ७८ हजार रुपयांची सबसिडी देते.
सोलर बसवण्यासाठी कमी व्याजदरात बँकांकडून कर्ज मिळते. केंद्राच्या या योजनेचा लाभ मिळवण्यासाठी आतापर्यंत ४,५२९ गोमंतकीयांनी अर्ज केलेले होते.
त्यापैकी ३,३२३ जणांचे अर्ज मंजूर करीत, त्यांच्या घरांवर सोलर पॅनेल बसवण्यात आले असून, त्यांना केंद्राकडून २२.५८ कोटींची सबसिडीही देण्यात आलेली आहे, असेही मंत्री नाईक यांनी उत्तरात म्हटले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.