पणजी: राज्यातील अधिकाधिक नागरिकांनी पंतप्रधान सूर्य घर मुफ्त बिजली योजनेचा लाभ घेऊन ‘रुफ टॉप सोलर’ बसवावे, यासाठी जागृती करण्याचा निर्णय उत्तर गोवा जिल्हा समन्वय समितीच्या बैठकीत घेण्यात आला. उत्तर गोवा जिल्हाधिकारी अंकित यादव यांच्या अध्यक्षतेखाली बुधवारी पणजीत ही बैठक पार पडली.
मुख्य वीज अभियंता स्टीफन फर्नांडिस यांच्यासह ‘गेडा’चे अधिकारी, जिल्हा पंचायतीचे प्रतिनिधी उपस्थित होते. राज्यात सोलर ऊर्जेला चालना देण्याचे प्रयत्न राज्य सरकारने गेल्या काही महिन्यांपासून सुरू केले आहे.
त्याच अनुषंगाने नागरिक तसेच विविध कंपन्या, आस्थापनांनी केंद्र सरकारच्या पंतप्रधान सूर्य घर मुफ्त बिजली योजनेतून सबसिडी घेऊन रूफ टॉप सोलर बसवावे, याबाबत जागृती घडवून आणण्यासाठी राबवण्यात येणाऱ्या जागृती कार्यक्रमांचा बैठकी आढावा घेण्यात आला.
याशिवाय या योजनेच्या माध्यमातून गोव्यात मॉडेल सोलर व्हिलेज उभारण्याबाबतही चर्चा करण्यात आली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.