रानटी डुक्करांना मारण्यासाठी ठेवलेला गावठी बॉम्बचा चावा घेतल्याने पाळीव कुत्र्याचा मृत्यू झाल्याची बातमी समोर आली आहे. डिचोलीतील लाटंबार्से येथे ही घटना उघडकीस आली आहे.
रानटी डुक्करांना मारण्यासाठी पेरलेला गावठी बॉम्ब चुकून पाळीव कुत्र्याने खाल्ल्याने ही घटना घडली, अशी प्राथमिक माहिती समोर आली आहे.
या घटनेचा एक व्हिडिओ सध्या समोर आला असून, गावातील एका रस्त्यावर काही कुत्रे खेळताना दिसत आहेत. यात एका कुत्र्याने रस्त्या कडेला पेरलेल्या गावठी बॉम्बचा चावा घेतला, चाव घेताच क्षणी बॉम्बचा स्फोट झाला व कुत्र्याचा मृत्यू झाला.
गावठी बॉम्बचा स्फोट झाला तिथूनच जवळच्या अंतरावर लोकवस्ती असून, लहान मुले तिथे खेळताना दिसत आहेत. शिवाय काही नागरिकांची ये-जा देखील येथून होताना दिसतेय. दरम्यान, चुकून एकादा व्यक्ती अथवा लहान मुलाचा या बॉम्बसोबत संपर्क आला असता तर मोठी दुर्घटना घडली असती अशी भीती स्थानिकांनी व्यक्त केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.