काणकोण: गोकर्ण पर्तगाळी जीवोत्तम मठाच्या ५५० वर्धापन दिनानिमित्त काढलेल्या श्री राम दिग्विजय यात्रेचे काणकोणात आगमन झाले. कारवार मुडगेरी मठातून लोलये येथील श्री दामोदर देवालय, केशव देवालय, श्री निराकार देवालय व त्यानंतर पैंगीण येथील श्री परशुराम देवालयात भाविकांनी या रथयात्रेचे भव्य स्वागत केले.
काही ठिकाणी आतषबाजी, लेझीम आणि दिंडीने स्वागत करण्यात आले. श्री परशुराम देवालय समितीचे अध्यक्ष हरिष प्रभुगावकर, उदय प्रभुगावकर, ज्ञानानंद प्रभुगावकर तसेच समितीच्या अन्य सदस्यांनी रथाचे स्वागत केले.
पैंगीण पंचायतीतर्फे सरपंच सविता तवडकर, उपसरपंच सुनील पैंगणकर, पंच प्रवीर भंडारी, महेश नाईक, सतीश पैंगीणकर यांनी रथाचे स्वागत केले. या रथयात्रेचा मुक्काम श्री परशुराम देवालयात आहे. या रथयात्रेचे वास्कोकडे प्रयाण होणार आहे.
होन्नावर येथील संतोष पै यांनी बद्रीनाथ ते काणकोणपर्यंत तब्बल ८ हजार किलोमीटर रथाचे सारथ्य केले. या प्र डोंगराळ रस्ता, प्रतिकूल वातावरण यांचा सामना करत त्यांनी हा प्रवास केला. माझ्या मागे श्री रामाचे बळ आहे. त्यामुळेच हा प्रवास शक्य झाल्याचे संतोष पै यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.