मोरपिर्ला येथील सरकारी विद्यालय व प्राथमिक शाळेची अवस्था बिकट बनली असून शाळेच्या दुरुस्ती आणि देखभालीचे काम पूर्ण करण्याकडे सरकारी अधिकाऱ्यांनी दुर्लक्ष केल्याने येथे शिकणाऱ्या विद्यार्थ्यांच्या पालकांनी आपल्या मुलांना शाळेत न पाठविण्याचा न निर्णय घेतला आहे.

सरकारने विद्यालयकडे दुर्लक्ष केल्याने सरकारी अधिकाऱ्यांचा निषेध नोंदवण्यासाठी पालकांनी आंदोलन केले.

मोरपिर्ला येथील सरकारी शाळांची आजपर्यंत कोणतीही दुरुस्ती करण्यात आलेली नाही आहे. सरकारने मुलांना शाळेत पाठविण्यास सांगितले आहे परंतु शाळेची झालेली अवस्था पाहता कधीही छप्पर कोसळून विद्यार्थ्यांवर पडू शकते अशी दुर्घटना झाल्यास यांस जबाबदार कोण राहील असा सवाल उपस्थित पालकांनी केला.

जोपर्यंत सरकार आमच्या मागण्यांवर तोडगा काढत नाही तोपर्यंत मुलांना शाळेत पाठविणार नसल्याचा निर्णय पालकांनी घेतला.