गोव्याची राजधानी पणजीला स्मार्ट सिटी मिशन प्रकल्पाअंतर्गत दीड वर्षात रु. 73.38 कोटी किमतीचा युनिव्हर्सल वॉकवे मिळणार आहे. इमेज पणजी (Panaji) स्मार्ट सिटी (smart city) डेव्हलपमेंट लिमिटेड (IPSCDL) ने प्रकल्पासाठी पात्र कंत्राटदार आणि एजन्सी यांच्याकडून अभियांत्रिकी, खरेदी आणि बांधकाम (EPC) आधारावर सिंगल स्टेज टू पार्ट बिड सिस्टम अंतर्गत ऑनलाइन प्रस्ताव सादर करण्याचे आदेश दिले आहेत.

युनिव्हर्सल वॉकवेज प्रकल्पात रस्त्यांची कामे, शहराची सुशोभीकरणाची कामे, सांडपाणी निवारण योजना आणि लाइट योजना यासह 8.58 कोटी हे स्ट्रीटस्केप डिझाइन या योजनेवर खर्च करण्यात येणार आहेत. यात वेगवेगळ्या सिंबॉलच्या माध्यमातून अनेक माहितीपर चित्रांचे रेखाटन केले जाणार आहे. हा प्रकल्प 18 महिन्यांत पूर्ण होणे आवश्यक आहे, असे निविदा दस्तऐवजात नमूद केले आहे.

73,38,09,867 रु.च्या प्रकल्पाच्या (Project) व्याप्तीमध्ये रस्त्याचे सर्वेक्षण, तपासणी, डिझाइन आणि बांधकाम यांचा समावेश आहे, ज्यात पादचारी मार्गांचा पुनर्विकास, सांडपाणी सिस्टीम, रस्त्यावरील कचरा यासारख्या समस्यांचा या योजनेत समावेश आहे. तसेच पणजी शहरातील विविध ठिकाणचे बगीचे ऐतिहासिक वास्तु यांच जतन देखील या प्रकल्पाअंतर्गत करण्यात येणार आहे.