Smart City Work :

पणजी, सांतिनेजमधील काकुलो मॉलजवळील ताड-माड मंदिर म्हणून परिचित असलेल्या ठिकाणासमोरील केलेले गटाराचे काम भुसभूशीत मातीमुळे खचले. दहाच्या सुमारास ही घटना घडली. मंदिरासमोर चेंबर उभारणीसाठी खोदकाम केले आहे. तिथे गटार कोसळल्याने ‘स्मार्ट सिटी’ कामाचा बोजवारा उडाल्याचे दिसून आले.

गटार खचल्याची माहिती मिळताच महापौर रोहित मोन्सेरात व उपमहापौर संजीव नाईक, महिला नगरसेवक वर्षा शेट्ये यांनी घटनास्थळी भेट देऊन पाहणी केली. महापौर मोन्सेरात म्हणाले, मंदिराच्या बांधकामाला धोका दिसत आहे. कंत्राटदारास आपण मंदिर सुरक्षित ठेवण्यासाठी सूचना करू.

सकाळी पावणे दहाच्या सुमारास गटार खचल्याने मंदिरात दर्शनासाठी आलेल्या लोकांनी तत्काळ मंदिरापासून बाजूला पळ काढला. इमेजिन पणजी स्मार्ट सिटी विकास लिमिटेडच्या (आयपीएससीडीएल) अभियंत्यांनीही घटनास्थळी भेट दिली.

या खड्ड्यात साचलेली पाणी उपसा करून जेसीबीच्या साह्याने माती काढण्याचे काम सुरू होते. पाऊस सुरू असला तरी कामे आयपीएससीडीएल-कंत्राटदाराची चौकशी करा

सांतिनेजमधील गटार खचल्याची घटना घडली, त्यातून त्या कामाचा दर्जा दिसून येतो.