पोलिस आपल्या हद्दीत नेहमीच कायदा आणि सुव्यवस्था कायम ठेवण्यासाठी अहोरात्र काम करत असतात. याशिवाय विविध समाजोपयोगी कामांना देखील हातभार लावत असतात. कोरोना काळात पोलिसांच्या कामाचे सर्वांनीच कौतुक केले. याकाळात पोलिसांनी अनेकांना आर्थिक तसेच अन्न-धान्यांची देखील मदत पोलिसांनी देऊ केली.

पणजी पोलिसांनी एका बेघर युवकाला मदतीचा हात देऊ केला आहे. झाले असे की, एक युवक पणजीतील रस्त्यावर झोपल्याचे एकाला दिसून आले. याबाबत 03 फेब्रुवारी रोजी त्याने पोलिसांनी माहिती दिली. पोलिसांनी तात्काळ या घटनेची माहिती पणजी पोलिसांना दिली. पणजी पोलिसांनी युवकाचा शोध घेतला मात्र तो काही मिळून आला नाही.

दरम्यान, दुसऱ्या दिवशी पणजी पोलिस स्टेशन परिसरात हा युवक मिळाला. पोलिसांनी तात्काळ त्याची तपासणी करून त्याच्यावर सध्या आवश्यक उपचार सुरू असल्याचे पोलिसानी म्हटले आहे.

उत्तर गोवा पोलिसांनी ही घटना आपल्या अधिकृत सोशल मिडिया अकाऊंटवर शेअर केली आहे. युवक सापडला असून, तो सध्या उपचाराधीन आहे असे त्यांनी म्हटले आहे.

शहरी गजबजाटात आणि धकाधकीच्या जीवनात, जे लोक आपल्या मुलभूत गरजा पूर्ण करण्यासाठी धडपडत आहेत त्यांच्याकडे दुर्लक्ष करणे खूप सोपे आहे. पण पणजी पोलिसांनी एक बेघर व्यक्तीची सुटका करून आत्मियता दाखवली आहे. आपण इतरांच्या जीवनात कसा बदल घडवू शकतो यावर चिंतन करण्यासाठी सर्वांनी थोडा वेळ काढूया. असे ट्विट पोलिसांच्या वतीने करण्यात आले आहे.