Panaji mla Babush Monserrate had a mild heart attack underwent angioplasty in gmc

पणजीचे आमदार आणि मंत्री बाबूश मोन्सेरात यांच्याबाबत मोठी बातमी समोर आली आहे. बाबूश यांना ह्रदय विकाराचा झटका आला आहे. तसेच गोवा मेडिकल कॉलेजमध्ये त्यांच्यावर एनजिओप्लास्टी करण्यात आली आहे.

उपलब्ध माहितीनुसार, बाबूश यांना रविवारी (21 जानेवारी) रात्री घरी असताना हलका हृदयविकाराचा धक्का आला. त्यानंतर त्यांना तत्काळ गोमेकॉत हलविण्यात आले. तिथून त्यांना सुपरस्पेशालिटी हॉस्पिटलमध्ये दाखल करण्यात आले आहे. शस्त्रक्रिया झाल्यानंतर सध्या त्यांची प्रकृती ठीक आहे.

याबाबतची अधिकृत माहिती बाबूश यांच्या पत्नी आमदार जेनिफर मोन्सेरात यांनी 'गोमन्तक'ला दिली.

राज्यात एकीकडे राममूर्ती प्रतिष्ठापनेनिमित्त उत्सवाचे वातावरण आहे तर राजकीय क्षेत्रातून अशी बातमी समोर आल्याने चिंता व्यक्त केली जात आहे. दरम्यान, बाबूश निरीक्षणाखाली आहेत.